Girescue sa Philippine Coast Guard Central Visayas ang 12 ka tripulante sa usa ka barko nga MTug Fortis X human kini nasangad kaganinang alas 2:35 sa kadlawon sa kadagatan sa Lipata Banks sa dakbayan sa talisay .
Ang tigpamaba sa Coast Guard Central Visayas , LTJG Michael John Encina nibutyag nga ang barko nigikan sa Cruz Pier sa dakbayan sa Mandaue paingon ngadto sa angkorahe sa MV Lorcon Dumaguete sa Talisay City .
Human nakadawat ug tawag ang PCG , nidali pagrespondi ang BRP Capones MRRV 4404 sakay ang team sa Coast Guard Marine environmental protection, Coast Guard divers ug laing medical team aron motabang sa mga tripulante sa barko .
Sa inisyal nga imbistigasyon sa CG , way oil spill nga naobserbahan sa kadagatan .
Nagpaabot ang CG ug incident report gikan sa kapitan sa barko nga si Edwin Gagan subay sa nahitabo nga pagkasangad niini .