Suma pa sa report, ang sunog nga miigo sa Sitio Lawis, Barangay Pasil, Cebu City kagahapong adlawa, Enero 14, miugdaw og gatusan ka mga panimay. Muabot og 400 pud ka pamilya ang apektado.
Pinaagi sa social media sa atong hegala gikan sa pamantalaang Banat News nga si Jaypee Lao aduna nay mga hinabang nga niabot alang sa mga fire victims sa maong barangay. Apan tungod kay daghan nila ang anaa pa sa evacuation center sa maong lugar daghan pa gihapon nga tabang ang ilang gikinahanglan. Labi napud nga adunay mga biktima nga wa gyuy bisag usa nga nasalbar sa ilang kabtangan.
USED CLOTHING UG PAGKAON
Suma pa sa atoang hegala nga si Jaypee nga daghan sa iyang mga kaila sa maong lugar ang nanginahanglan og mga sinina, unlan, habol, trapal ug apil napud ang mga pagkaon alang sa ilang inadlaw-adlaw nga kunsom.
Kita dinhi sa iFM Cebu pwedeng modawat sa inyong mga donasyon (in kind only) sama sa mga nahisgutang gamit. Kung sa pagkaon mas maayo nga mga canned goods ug pwede pud noodles.
E drop lang ang inyong donasyon sa Ground Floor – Capitol Central Hotel and Suites, Escario St., Capitol Site, Cebu City. Pwede pud e private message ang bisan kinsa nga DJ sa iFM Cebu. Text lang sa 09476777919 o tawag sa 255-6069 o sa 517-6738.
Hinaot pa nga ubay ubay ta og mapaabot nga hinabang alang sa atoang mga kaigsuonan nga taga Pasil sa madali nga panahon. Tentative schedule sa pagpaabot sa mga donasyon karong Enero 19, alas 9 sa buntag.
Palihug ko og pahibaw sad sa imong mga hegala niining atoang relief campaign alang sa mga fire victims sa Pasil.
Dili pud nato kalimtan ang pag-apil kanila sa atoang mga pag-ampo ngadto kang Sr. Sto. Niño. Daghang salamat daan mga idol.
