“Constant journey.”
Ganito inilarawan ng aktor na si Baron Geisler ang kaniyang proseso ng pagbabago.
Sa isang online show, ibinahagi ni Baron ang mga ginagawa niyang hakbang para sa tuloy-tuloy na pagbabago niya.
Sinabi ni Baron na malaking tulong ang faith family dahil meron siyang structure na sinusunod.
Aniya, araw-araw siyang may dinadaluhan na fellowship na malaking ambag sa buhay niya.
Ayon pa kay Baron, “Meditation is key” at palagi lang siya masaya sa buhay.
Say pa ng aktor, isang proseso ang kaniyang pagbabago dahil marami siyang natutunan na bago na malaking tulong sa mabilis niyang recovery.
Dagdag pa ng aktor, sobrang natutuwa siya kasi maraming tao lalo na ang kaniyang asawa ang nakakapansin ng improvement sa kaniyang sarili at nagmamature na siya sa kaniyang mga desisyon sa buhay.
