ILOILO City – Hiwaton karon sa hapon ang sinapol sang mga Dep-Ed officials agud talakayon ang reklamo sang Iloilo delegation sa baseball secondary boys kontra sa Negros Occidental sa natapos nga Western Visayas Regional Athletic Association Meet.
Ini matapos wala madayon kahapon ang nasambit nga meeting bangud sa kakulang sang quorum.
Bangud sini, ginpakamaayo nga hiwaton na lang ala una karon sa hapon ang sinapol agud resolbahon ang reklamo.
Madumduman nga nangin kontrobersyal ang hampang sa tunga sang Iloilo kag Negros Occidental sa Baseball secondary boys matapos nagdeklarar sang force majeure ang tournament manager kag gindeklarar nga nagdaug ang Negros Occidental nga ginkontra naman sang delegasyon sang Iloilo sa rason nga unfair ini para sa ila.
