Gin athag ni Mrs. Ana Liza S. Apura Principal sang Anilao National High School (ANHS) nga naka balik sa Anilao ang mga players matapos ang ila mga hampang sa bag-on lang natapos nga Iloilo Schools Sports Council Meet (ISSC).
Suno kay Mark Kynn Aquilesca Coach sang Baseball Secondary sang Anilao nga 14 ka bilog ang iya mga players nga dala sa Iloilo City kag pagkatapos sang ila Championship game kontra Igbaras gin headcount sini ang iya mga players.
Ang nag lesenxa suno sa iya nga mapabilin sa city amu CHRISTIAN JAMES B. MAXILOM apang nakapa uli na ini kag nag eskwela kahapon (Lunes) kag gin recognized pa sila sa flag ceremony kag nakasaka pa sa stage.
Ang ginapahayag nga wala maka pauli amo si JUNJUN SISTER kag ginpasiguro sang Coach nga upod nila ini pauli sa Anilao upod man sa bilog nga deligasyon sang Anilao. Sa pagkamatu-od suno sa iya ini ang ginsugat pa sang iya utod sa eskwelahan.
Gina klaro sang buluthu-an nga naka balik sa Anilao nga safe ang mga athletes kag after nga nakabalik na sila halin sa syudad wala na makahibalu ang eskwelahan kon diin sila nagkadto.
Apang suno kay Mrs. Apura nga ila na ginpakadtu an sa ila puluy-an si Sister kag gin usisa kon diin ini kag ngaa wala na makapa uli.
Natukiban nga pati ang iya nobya ang wala man makapa uli sa ila puluy-an.
Samtang nagapanawagan naman sa RMN Iloilo ang Iloy sang player nga magpa-uli na ini kag magpahibalo kon diin man ini subong.
#tatakrmn
