Davao City- Bun-og sa kalawasan ang nahiagoman sa usa ka maayo mudula og basketball ug gidala sa Southern Philippines Medical Center (SPMC) ang biktima.
Ang gitabangan og kulata sa napildi nga team ang biktima nga si Wynnton Valderama, 30 anyos, negosyante, ug nagpuyo sa Malagamot, Panacan, syusad sa Davao, gumikan sa kamaayo mudola sa basketball maong wala makalabaw sa iskor ang mga suspek nga giilang sila Crecensio Cobol, Terence Burgos ug Jeffrey Burgos, pulos mga residente Kilometer 11, Sasa ning syudad.
Una niini, gireklamo sa biktima ngadto sa referee ang hugaw ug physical nga dinuwaan sa mga suspetsado nga nagsugod dihang labaw na ug lisod na apson ang iskor sa team sa biktima.
Human sa dula, gibikil sa captain ball nga si Cobol ang biktima ug pipila ka gutlo nakalabay gitabangan na og kulata sa mga suspek si Valderama resulta sa mga bun-og nga nahiagoman niini pasado alas 9:00 sa gabii nga nahitabo gawas sa basketball court sa Panacan.
Subay ani, pursigido muduso og kasong physical injury ang biktima batok sa mga suspetsado.
RadyoMaN Joel Viray
