Roxas City, Capiz – Ginpasalig ni Red Cross Capiz Chapter Administrator Rey Martinez nga may yara sang bastante nga supply sang dugo ang mga taga-Capiz kag Roxas City.
Suno diri nga ini bangud sa kooperasyon sang local government units(LGUs) kag non- government organizations(NGOs) nga nagapatigayon sang blood donations.
Gindugang man pahayag ni Martinez nga naga-supply pa ang Red Cross Capiz sang dugo sa Iloilo kag probinsiya sang Aklan bangud ginakulang sa supply sang dugo ang nasambit nga mga lugar.
Samtang ginklaro ni Martinez nga wala ginabaligya ang dugo kundi nga ginabayaran lang ang processing fee sini.
Suno diri nga ang bayad ang nagakadto sa pagproseso agud mapasiguro nga wala sang masakit ang donor kag hilway ini nga i- transfuse sa pasyente.
Kalakip sa mga tests nga ginabayaran amo ang HIV test, Hepatitis B kag C, malaria, syphilis kalakip na ang blood typing.
