Davao City – Hingpit na nga nanumpa isip bise-alkalde sa Davao City si Presidential son Sebastian “Baste” Duterte sa presensya usab sa iyahang amahan nga si Presidente Rodrigo Duterte sa Sangguniang Panlungsod.
Usa-usa nga gipasalamatan sa bise mayor ang iyahang pamilya kinsa kumpleto atol sa iyang oath-taking: ang presidente, iyahang inahan nga si Elizabeth Zimmerman, ug iyahang duha ka mga igsuon nga sila Davao City Mayor Inday Sara Duterte Carpio ug 1st District Congressman Paolo Duterte.
Gibutyag niini nga gipreparahan na niya ang iyahang tahas isip Vice Mayor sa syudad.
“Nagatuon ko, nagabasa ko’g libro, naga-seminar pod ko. Daghan man ang gatabang unya nagapangutana pod ko sa akoang mga igsuon on what to expect,” matud ni Duterte.
Usa sa mga buot tutukan ni Baste ang problema sa trapiko ug environmental issues sa lungsod.
“Atong behavior gyod sa dalan, importante gyod kaayo nga matarong ug in order tanan iig environment,” sumala niini.
Nidaog si Baste unopposed niadtong piniliay sa 557, 769 nga boto ug ikaduhang pinakabata nahimong bise mayor sa edad nga 32 anyos.
Buntag adlaw’ng Biyernes unang nanumpa sila Mayor Sara, 1st District Congressman-Elect Pulong ug mga bag-ong napili nga mga opisyal sa lokal nga panggamhanan ug membro sa House of Representatives sa syudad sa Davao.
RadyoMaN Aimee Guinita
