Ginabanta nga kapin sa 40 tubtub 50 ka tonelada ukon 25 ka truck sang basura ang mahakot sang General Services Office sa duha ka adlaw nga highlight sang Dinagyang Festival sa siyudad sang Iloilo sa Enero 26 kag 27.
Ini sa tion nga indi magkooperar ang publiko sa pagpabilin sang katinlo sang siyudad sa tion sang Dinagyang.
Nahibaluan nga kada tuig, trak-trak sang basura ang nagapabilin sa palibot sang siyudad bangud sa pagusto haboy bisan diin lang sang mga tawo sang ila basura.
Ginpahayag ni Engr. Neil Ravena, head sang Sanitation Committee kag in-charge sang calajunan dump site nga amo sini ang senharyo kada matapos ang Dinagyang.
Bangud sini, magadeploy ang GSO sang 90 ka streetsweeper sa duha ka adlaw nga highlight agud magsunod sa pagtinlo sang siyudad.
Samtang 220 naman ka streetsweeper ang i-deploy pagkasunod nga adlaw agud magpaninlo sang siyudad sang Iloilo.
Nag-apelar vsi Ravena sa mga pumuluyo nga ihaboy sa basurahan ang ila mga basura agud indi maglapta sa mga dalanon sang siyudad.
