Basura mo, Bugas an igbabalyo

191

TACLOBAN CITY – Viral yana an programa han usa nga Municipal Councilor han Burauen, Leyte kun diin an imo basura babalyuan niya hin bugas.

Ha kada lima (5pcs) nga 1.5 liters plastic bottle nga puno hin malimpyo nga plastic, mayada ka na usa ka gantang nga bugas.


Aba! Amu ini an gin-iimplementar nga programa ni councilor Warren Hermano, 21 anyos.

Sumala kan Hermano, harani na 1,000 nga mga residente an dumaop ha iya ngan nagpabalyo han ira mga basura ngadto ha bugas.

Diri la bugas an iginpapabalyo ni Warren, ha kada 15pcs nga 1.5 liters plastic bottle nga puno hin mga malimpyo nga plastic, babalyuan niya hin usa nga bola (basketball, volleyball, soccer, etc).

Nagbutang gihapon hi Hermano hin mga basurahan ha kada eskwelahan han Burauen kun diin kinahanglan mapuno ini hin mga basura kabalyo an feeding program ha 75 nga bata.

Siring ni Hermano, dako ini nga bulig nga iya programa para mamotivate an mga tawo nga bumulig ha komunidad.

“It’s like motivating the people to help the community by this kind of program.”

Malipayon hi Hermano kay dako nga bulig para ha mga residente han Burauen an iya programa, nakabulig na ha tawo, nakabulig pa ha kalibungan.

Nagtikang ini nga Program sa Basura ni Hermano dida han bulan han July yana nga tuig.

Facebook Comments

From Advertisers