Davao City – Aduna na sumala pay kumpanya nga mupalit sa mga basura sa dakbayan nga pwedeng pa nilang mapahimuslan sama sa mga sachet, cup noodles ug uban pa.
Kini ang gibutyag ni Davao City Mayor Sara Duterte-Carpio sa pakighinabi sa Davao media kaniya.
“Nakakita na mi og mupalit sa basura. Nakakita mi og coop nga mupalit so ongoing ang among preparation.”
Gibutyag niini nga usa sa aktibidad sa syudad mao ang sinimanang paghinlo sa mga coastal barangays pinaagi sa mga volunteers sa proyektong Bantay Dagat diin maka kolekta ang nahisgutan og sinako nga mga basura.
Saysay sa alkalde nga pinaagi sa pagkolekta sa basura, pag segregate ug paglimpyo niini, mamahimo kining i-deliver sa maong kumpanya diin gamiton sumala pa kining pangsagol sa pagpalig-on og bricks.
“Nag-ingon ang Aboitiz sa atoa na, they can use plastics also daw. I-grind didto sa coop and then isagol sya didto sa pagbuhat og bricks which makes the bricks daw stronger.” pagpasabot niini.
Samtang gibutyag sa alkalde nga sunod nga intervention nga tutukan sa syudad mao pag relocate sa mga Informal Settler Families (ISF) ngadto sa mga relocation areas nga gi-provide sa kagamhanan.
RadyoMaN Kirby Manzon
