Dipolog City – Dead on Arrival sa City Hospital ang usa ka Basurero human aksidenteng nalagputan og bato sa gisundang truck samtang gamaneho sa iyang single motor, nahitabo mga alas 6:40 karong buntag, sa may Nationl Highway Barangay Galas, ning dakbayan sa Dipolog.
Sa report sa Traffic Section sa Dipolog City Police Station, naila kining biktima nga si Amancio Paeste Amarille, 45 anyos, minyo, usa ka Basurero sa City Government og residente sa Barangay Cogon ning dakbayan.
Sigun pa ni Police Corporal Hermes Cortes ang imbestigador sa kaso, kining biktima nga si Amancio gamaneho sa iyang motorsiklo xrm angkas ang iyang anak nga si Argie Amarelle, 18 anyos paigon na untang mo-duty sa trabaho.
Sigun pa sa anak nga pag-abot nila sa may Highway Galas diin sila nagsunog sa wa matino nga sakyanan kalit nipiti ang dughan sa iyang amahan og nipadaplin dayon kini natumba.
Gisapopo pa unta niini ang amahan nga nakita nagpanghikap sa dughan og nakita niya ang igo-igong gidak-on sa bato nga maoy nakaigo niini.
Gidala pa sa rescue 911 ang biktima sa Corazon C. Aquino Hospital apan gideklarar nga Dead on Arrival sa Attending Physician.
Sa karon gisubay na sa mga imbestigador sa Traffic Section PNP Dipolog ang identity sa sakyanan og driver kinsa nakaligis sa bato human wala namay-ongi sa anak nga kauban niini.
