ZAMBOANGA CITY—Un bata moher edad de 13 anio ya man lumus na rio del Sitio Betong, barangay Curuan del Martes.
El pulis ya habla si Angel Joy Eusubio Dela Cruz, hunto con sais otro maga bata ya anda banyan a rio donde tiene busay banda alas 8:30 del aga.
Pero amediante estos ta gosa conel fresco agua na rio, si Dela Cruz ya sigui na fuerte correntaso del agua donde ya lleva conele na fondo del rio.
Ya tormenta encuntra conel cuerpo del victima hasta banda alas 3 del tarde finalmente ya recubri consu cadaver na ondo parte del rio.
Condel cadaver del bata ya lleva na Cristino Paragas Hospital para conduci del post mortem examination y el embalsamo.
Bien dolorido el familia del bata por el cosa ya sosede coneste. – Dan Toribio
Facebook Comments
