Mambusao, Capiz – Dakop ang isa ka persona pinaagi sa ginkasa nga drug buy bust operation sang mga kapulisan sa Brgy. Tugas, Mambusao Capiz.
Naglab-ot sa lima ka sachet sang suspected shabu ang nakuha sang operatiba nagikan sa subject person nga si Manuel Tulio Jr. y Lumajen, 47-anyos sang Poblacion Tabuc, sang nasambit nga banwa.
Na-recover man ang 500 pesos nga buy bust money kag isa ka cellphone. Ang nasambit nga operasyon ang ginpangunahan sang Mambusao PNP, ka-partner ang Provincial Drugs Enforcement Unit Cluster-C sang Capiz Police Provincial Office.
Ang banwa sang mambusao ang pinakauna nga banwa sa Capiz nga gindeklarar bilang isa sa mga drug free municipalities apang nagapadayon sa gihapon ang illegal drug trade sa nasambit nga banwa.
