Muerto el 12 anios de edad bata hombre despues ya tahya na su pescueso el su mismo hermano mayor na Paraiso Drive, Mampang del Domingo por la noche.
Con el victima ya conose como si JM Gaganao Cruz Aliangan mientras con el hechor ya nombra como si Arky Gaganao Cruz Aliangan, 27 anios del mismo lugar.
Asegun na report del pulis ta dorme el familia Aliangan na destos casa cuando si Arky armao de bolo ya llega y derepente este ya sopla de taho na pescueso con el bata mientras ta dorme este.
Ya escapa si Arky despues del incidente pero alas 12 del media noche ya puede conele cuji el maga cuantos vivientes del lugar y ya entrega conele na pulis.
Nohay claro rason si porque ya puede si Arky mata consu mismo hermano menor.
Facebook Comments
