Special child yan ipit na quema, muerto

Ya sigui man uput na diila casa el un 7-anios special child durante el quema na Talon-Talon Loop del Domingo por la tarde.
Con el muerto ya conose como si Ren-Ren Austero, del mencionao lugar.
Asegun na report, si Ren-Ren y su subrina si Sophia Kate Autero, 2 anio ta dorme adentro del diila casa serca man alas 5 del tarde mientras si Rodena May Austero, 21, hermana mayor di Ren-Ren tiene cosa ta cusi na cusina.
Asegun mientras ta abre si Rodena con el burner del LPG derepente ya rebenta el tanque y ya causa quema na casa.
Si Rodena ya entabla pa afuera del casa cargando con Sophia y dehando con Ren-Ren adentro del casa mientras ta queda bien arde el diila residencia.
ya salva canda Rodena y si Sophia pero si Ren-Ren ya sigui man uput na quema.