CEBU CITY—Nangita ang homicide investigators sa inahan sa usa ka fetus nga
nakit-an nga katunga nang gikaon sa usa ka iro sod sa usa ka bakanteng lote
sa Maria Luisa development sa Barangay Busay, Cebu City.
Ang Homicide Section sa Cebu City Police Office nisuway’g pangita og
security cameras pero wala sila’y nakit-an nga duol sa maong lugar.
Matud ni SPO1 Winston Ybañez nga adunay taw nga nakakita sa iro nga gibira
ang usa ka puti nga plastic bag gamit iyang baba. Taud-taud niana, nakit-an
sa taw’ ang usa ka fetus sulod sa plastic bag ug didto siya nakahuna-huna
nga motawag og mga pulis.
Bana-bana ni Ybanez nga mga unom na ka oras gi-abandona ang fetus sa maong
lugar una pa ni nakit-an sa iro pag-Huwebes sa hapon.
“It was already formed and had eyes, nose, and ears, but we could no longer
determine the gender,” (“Naporma na ang fetus ug aduna na kiniy mga mata,
ilong, ug mga dunggan, pero di namo ma-identify ang iyang gender,”) suma pa
ni Ybanez.
Sa niaging upat ka adlaw, usa pud ka fetus ang nakit-an sulod sa usa ka
green nga bag duol sa usa ka shopping mall sa Barangay Apas.
Kauban sa plastic bag, aduna’y note nga nihangyo sa paglubong sa bata ug
aduna pud kini’y usa ka libo (Php1,000).
Dugang ni Ybañez nga nagsige pa sila og pangita sa mga inahan sa duha ka
bata nga parehong gibilin sa usa ka plastic bag.
