BACOLOD CITY, NEGROS OCCIDENTAL – Bangud sang pagsinuyaay, duha ka mga lalaki ang nabiktima sang pagbuno sa duha ka separado nga lugar sa Bacolod kag Escalante kagab-i kag kaina sang kaagahon.
Una nga insidente natabo may mga las 11:55 kagab-i sa Goldenfield Commercial Complex, Brgy. Singcang Airport, Bacolod City kon diin ang biktima nga si Boby Carl Pecaro, 20 anyos ang edad, soltero kag pumuluyo sang Andre Village, Cadiz City ang ginbuno sang wala makilala nga suspek.
Suno sa biktima nga ini siya ang ginsuyaan sang duha ka mga persona, ginpalapitan kag hinali na lamang ginbuno gami ang ice pick. Naigo sa iya likod kag wala nga butkon ang biktima.
Didto naman sa Brgy. Old Escalante, ciudad sang Escalante, ginbuno man sang wala makilala nga suspek ang isa ka lalaki la una kaina sang kaagahon.
Ginkilala ang biktima na si Michael Pugales, 32 anyos ang edad, pumluyo sang Sitio del Pilar, Brgy. Old Escalante.
Suno sa biktima nga ini siya ang naga inom-inom upod ang iya mga kaabyanan sang hinali na lamang ini ginsuyaan sang wala makilala nga suspek.
Nakibot na lamang siya suno sa biktima nga ini ang ginbuno pa gid sang suspek gamit ang sundang kag ini ang naigo sa iya wala nga likod.
Ang mga biktima lunsay ginpangdala sa Corazon Locsin Montelibano Memorial Regional Hospital kag padayon karon ginabulong./dyHB BACOLOD
