UPDATE – Baliskad sa una nga report, indi hikog ang rason sang kamatayon sang Grade 5 pupil nga nagbitay sa Barangay Cari Menor, Leganes, Iloilo sang Oktubre 10.
Ini base sa resulta sang autopsy examination sa bangkay sang 11 anyos nga bata.
Suno kay Senior Inspector Dadjie Delima sang Leganes Municipal Police Station, base sa resulta sang autopsy, may bali sa wala kag tu-o nga gusok ang bata kag may igo sa dughan tuga sang matig-a nga bagay.
Kon madumduman, sa inisyal nga imbestigasyon sang Leganes PNP, ginpahayag nga naghikog ang bata bangod masami nga ginasulog nga aswang.
Subong man, sa resulta sang autopsy, ginapakita nga indi hikog ang natabo kundi ginpatay ang biktima.
Nagapadayon pa karun ang imbestigasyon sang Leganes PNP kon sin-o ang responsable sa krimen.
