Ingon nila nga ang pasko para sa mga bata. 35 na lang ka adlaw og pasko na busa madungog na nimo ang mga gapanaygon nga mga bata.
Karong panahona sa akong nabantayan, dako na kayo ang deperensya sa karon nga henerasyon kay kung sa una setyembre pa lang daghan na ang gapanaygon sa mga balay-balay pero karon wala na kayo kay ang uban naa na sa dalan.
Apan nasayod ka ba nga bawal ang manaygon sa dalan ilabina ang mga bata?
Busa nagpahinumdom ang Head sa City Social Welfare and Development Reg 10 nga si Teddy Sabuga-a sa mga ginikanan nga subaybayan ang ilang mga anak kay dili lamang kini trabaho sa gobyerno kundi ila pud nga responsibilidad. Gi-discourage pud ang mga katawhan sa paghatag sa mga batang nanaygon sa kadalanan aron dili kini maanad ug mahilikay usab sila sa disgrasya kay dili para sa mga bata ang dalan.
*Nagpahinumdum usab ang Department of Social Welfare and Development (DSWD) sa publiko nga dili lang mabutang sa risgo ang kinabuhi sa bata , pwede usab sila mapahamtangan og silot sa pag-violate sa Mendicancy Law of 1978 o ang pagbawal sa paghatag og limos sa kadalanan. Ubos sa balaud, ang kinsa man nga makalapas multahan og 500 to 1,000 ug possible nga mapriso sulod sa duha hangtud upat ka tuig.*
