Usa ka bata nga nag-edad pa lang ug 15 ka adlaw namatay apan pagkataud-taud giingong nabuhi kini sa Barangay Bulacao sa dakbayan sa Talisay .
Ang maong bata nga premature ug gibunyagan sa pangan nga “baby Angelo” gipakatawo sa iyang inahan pinaagi sa mananabang .
Tungod kay premature , nagmasakiton ang bata ug kagahapon Enero 15 sa sayong buntag , gidiklarar sa mga ginikanan niini nga patay na ang bata hinungdan nga gihimoan nila kini ug lungon ug gida sa Saint Joseph Parish sa Tabunok aron kini kabendisyonan una ilubong .
Apan ang lay minister nga si Rene Mark Daculan nga mao unta ang mohatag sa responso nakamatikod nga nagginhawa ang bata hinungdan nga ila kining gihaw-as gikan sa lungon .
Samtang ang tanod nga usa sa nakasaksi sa hitabo si Jodan Canoveda nihulagway nga nipahiyom ang bata diha sa lungon.
Gisuwayan pa kini pagpasuso sa inahan ug nanawag sila ug pari aron kini mabunyagan .
Ang kura paruko nga si Padre Peter Monterol nibunyag sa bata nga ilang ginganlan ug baby Angelo.
Paghuman ug bunyag gitagaan pa ni Father Monterol ug P500 ang inahan ug amahan nga si John Paul Abellana aron dalhon nila ang bata sa ospital ug ipahiling sa doktor .
Apan pipila ka oras samtang didto na kini sa Talisay District Hospital , nakabsan ra usab sa kinabuhi ang bata .
Nianang adlawa , gipalubong na dayon sa mga ginikanan ang ilang anak.
Ang amahan nga si Abellana wa na hinoon mohatag ug pahayag labot sa katingalahan nga nahitabo sa ilang anak .
Ang bata , ikatulong anak sa magtiayon .
