Bata ni SB member Kent Peñaflorida sang Pototan, patay matapos matumbahan sa Mahogany ang ila salakyan samtang nagabiyahe padulong sa Campuestohan sa Negros Occidental.

Patay ang pito ka tuig nga bata ni SB member Kent Roger PeƱaflorida sang banwa sang Pototan, Iloilo matapos maigo sang puno sang Mahogany nga natumba samtang nagabiyahe sila padulong sa Campuestohan Summer resort sa Talisay, Negros Occidental kaina sang hapon.

Gindeklarar nga napatay sa Bacolod Doctor’s Hospital ang bata nga si Kent Marion bangud sa patal nga pilas sini sa ulo.

Base sa imbestigasyon sang Bacolod PNP, nagabiyahe ang Pamilya ni SB Member PeƱaflorida sakay sa itom nga Toyota Fortuner upod ang iya asawa nga si Maureen mga ala 1:30 kaina sang hapon padulong sa Campuestohan apang pag-abot sa barangay Granada, Bacolod City, isa ka puno sang Mahogany sa kilid sang dalan ang natumba bangud sa kabaskog sang hangin.


Sa kadimalas, nag-igo ang nasambit nga puno sa nagadalagan nga salakyan nga ginamaneho mismo sang SB member kag natam-an gid ang iya bata nga si Kent Marion nga ginasabak sang iya asawa.

Magluwas kay Kent Marion, luwas man ang iban pa nga sakay sang salakyan

Facebook Comments