General Santos City–BUN-OG sa lawas ug bali sa parte sa bukog ang naangkon sa bata sa Barangay Fatima, General Santos City human matud pa kining gikulata dihang gigasto ang P5 alang sa matud pa pang gastos sa kasal.
Kini ang gitudlong rason sa kamatayon sa 4-anyos nga batang lalaki apan hugot kining gipanghimakak ni Zera Joy Bravio, inahan sa bata nga ilahang gimaltrato ang bata. Wala matud pa niya gipasakitan ang iyang anak sukwahi sa mga migulang balita nga sila ang may sala.
Iya lamang matud pang gihapak ang kamot og gibunalan ug wala gibun-og ang 4 anyos niyang anak. Nakurat nalang siya dihang dunay mga agi sa bun-og ang kalawasan sa 4-anyos.
Mao usab ang nahimong pamahayag sa stepfather sa bata nga wala sila nasayod sa rason sa pagkamatay sa ilang anak.
Sa pakighinabi sa RMN ngadto kang kang Police Senior Inspector Fernando Manuel Jr. hepe sa Fatima Police Station Gensan, nga napangutana na nila ang ginikanan sa bata kalabut sa maong insedente kung asa padayon karon ang ginahimo nilang imbestigasyon.
Ginahulat na lamang nila karon ang resulta sa pagsuta sa doktor kalabut sa hinungdan sa kamatayon sa 4-anyos. Apan gisulti niini nga naa silay nakit-ang mga bun-og sa lawas sa bata nga posibleng gikan sa pagpangulata apan makomperma lamang kini kung mulutaw na ang resulta sa post mortem og otopsiya sa patayng lawas sa bata.
Sa pagkakaron, gipailawoman na sa Women’s and Child Protection Desk (WCPD) ang imbestigasyon aron matugkad ang tinuorayng hinungdan sa kamatayon sa bata. (Emir Bariquit)
