Dead on arrival sa ospital ang bata sang former Brgy. Kapitan sang Brgy. Zone 2, Koronadal City, matapos nga tiruhon sa bahin sang TJ’s Seafood and Grill sa Brgy Sta. Cruz, Koronadal City, alas 9:40 kagab-i, Enero 14, 2021.
Ginkilala ang biktima kay Rodwin Ortiz Madria, 37 -anyos, vendor kag residente sang Morrow St. Brgy Zone 2.
Nakaangkon ang biktima sang tatlo ka igo sang bala sa ulo nga nangin tunaan sang iya hinali nga kamatayon.
Sa imbestigasyon sang Koronadal CPS ang mga suspek ang riding in tandem nga sakay itom nga Honda XRM motorsiklo nga wala sang plate number kag nagpalagyo sa wala nahibabaluan nga direksyon.
Nakuha naman sa natabuan sang insidente ang anum ka basyo sang kalibre 45 nga armas luthang.
Sa subong padayon pa ang imbestigasyon sang Koronadal CPS sa motibo kag suspek sa panibag-o nga shooting incident sa syudad.
Nahibaluan nga ini ang ikaduha nga insidente sang pagpanglutang subong nga Marso sa syudad sang Koronadal.
