Usa ka bata nga matud pa nakit-ang nagdula ug lighter ang gitumbok karon nga hinungdan sa pagkasunog ugdaw sa unom ka balay sa Baranggay Cugman niadtong niaging adlaw.
Nagsugod ang maong sunog sa usa ka kumonidad sa Zone 10 Cugman mga 1:25 sa hapon.
Matud pa ni SF01 Dennis Dales sa Bureau of Fire Protection nga paspas gilayon ang lihok sa mga bombero nga amoy hinungdan nga wala nakakaylap ang kalayo.
Apan ang nakaapan kay halos tanang mga balay didtong dapita ang gibuhat sa light materials lamang ug dali kining nangasunog.
Pito ka mga fire trucks gyud ang nagamit aron mabutang sa fire out nga status ang maong trahedya sa bandang alas 2 sa hapon.
Hangtud karon giimbistigahan pa gihapon sa mga otoridad ang insaktong hinungdan sa maong sunog bisan pa man nga adunay ginagmayng ebedinsya ang mitudlo nga posibleng usa ka bata nga nagdula ug lighter ang hinungdan niini.
