Cuartero, Capiz – Wala gid matabangan ang siyam ka tuig nga bata matapos masunog ang ila balay sa Barangay Nagba, Cuartero, Capiz kahapon sang hapon.
Nadala sa pagkasunog ang biktima nga ginkilala sa kay Johnny Flores isa ka special child bangud nagaisahanon ini nga nabilin sa ila balay sang nagluntad ang sunog.
Nahibaluan nga ginpakaon anay sang lolo ang biktima antes nagbiya agud nga magpangahoy, samtang ang iloy naman yara nagatrabaho sa uyapad rasun nga nagaisahanon ang biktima sang nag-ibwal ang kalayo.
Sa inisyal nga imbestigasyon sang Cuartero fire station, naghalin ang kalayo sa wala napatay nga baga sa dapog. Bangud human sa light materials ang nasambit nga balay, madasig ini nga gintupok sang kalayo kun sa diin totally burned na sang nag-abot ang mga bombero. Nasapwan ang sunog nga lawas sang menor de edad nga biktima sa ila man mismo hulot sang balay.
*(photo from web)*
