Davao City – Nagping-it sa kasakit tungod sa samad dinunggaban naangkon sa usa ka batan-on samtang gidala sa Southern Philippines Medical Center (SPMC) ang biktima nga si Regie Hubac, 19 anyos, ug nagpuyo sa Tugbok syudad sa Davao.
Subay sa report, gikabikil sa biktima ug ang kauban niini sa wala pa matino nga hinungdan ug mikuha og mahait nga hinagiban ang wala nganli nga kauban ug dayon duslak sa tiyan ni Hubac nga nahitabo sa ilang gitrabahoan pasado alas-9:00 sa gabii.
Human sa panghitabo, paspas miiktad sa dapit ang suspek ug samtang dayon gisapupo sa mga kaubanan ang biktima paingon sa SPMC.
Wala na nagbutyag ang biktima kun muduso ba kini og kaso batok sa iyang kauban nga suspek kinsa makunsidara nang at large karong panahona.
RadyoMaN Joel Viray
