Koronadal City—Luwas na sa makuyaw nga kahimtang nga nagpabiling nag-paalim sulod sa balay tambalanan ang usa ka batan-on nga naila sa pangalang Richard By, hingkod ang pangidaron, lumulupyo sa Koronadal City kansa napusilan sa usa ka pulis nga miyembro sa city police drug enforcement unit kon CPDEU sa Korondal Police Station nga si Pssg. Edwin Habagat.
Sumala pa ni Police Lieutenant Rey Sotelo Deputy Station Commander sa Koronadal PNP nga nakadawat ug report ang estasyon nga duna matud pay mga sukarap sa lugar hinungdan nga gerespondehan kini sa mga sakop sa CPDEU.
Apan sa paghidangat sa lugar duna matud pay nahitabong dili maayo tali sa biktima ug mga mirespondeng pulis gumikan kay dihang gisita ang batan-on nasuko matud pa kini ug gisumbag ang pulis nga misita rason nga napusilan sa parte sa lawas ang biktima tungod sa kasuko usab sa pulis.
Gitin-aw usab ni Sotelo nga dili miyembro sa sukarap ang nasampit ug naa-laan lang kini tungod kay sa pagdinaganay sa mga sukarap anaa sa lugar ang biktima.
Saysay pa sa opisyal nga ilang girekomenda ang nasampit nga pulis nga ibalhin sa provincial headquarters ug posibleng mapasakaan ug kasong administratibo.(Reynald Timario)
