Davao City – Gidunggab sa mga batan-on ang usa ka lalake nga mupaingon og simbahan aron unta motambong og Misa de Gallo sa may Tibungco ning siyudad alas 3:00 sa kadlawon.
Daling gidala sa Southern Philippines Medical Center si Ferdinand Ramos, 48 anyos, nagpuyo sa purok 15, Tibungco ning dakbayan human nakahiagom og samad dinunggaban nga bahin.
Sa record sa Traumatic Center sa SPMC, sayo mibiya sa balay si Ramos aron sayo makaabot sa simbahan apan samtang nagbaktas kini sa maong lugar nakaagi kini sa grupo sa mga batan-on.
Kalit gipariglahan sa mga suspek ang biktima sa walay igong hinungdan ug usa kanila ang mibunlot og mahait nga hinagiban dayon duslak sa lawas ni Ramos.
Daling mibisibat ang mga batan-on palayo sa nasangpit nga dapit hinungdang daling gisapupo sa mga kabanay ang biktima paingon sa ospital.
RadyoMaN Joel Viray
