Davao City – Nakalingkawas sa posibleng kamatayon ang usa ka negosyante human gi-ambush sa riding in tandem pasado alas siete kaganihang buntag.
Padayong gitambalan karon sa SPMC ang biktima nga mao si alyas Clark.
Sa imbestigasyon sa Sasa PNP, sakay ang biktima sa iyang pick up subay sa dalang Angliongto apan pag abot tungod sa 711 store kalit kining gipusil sa riding in tandem.
Nakahimo pa ug padagan ang biktima sa iyang pick up palayo sa duha ka mga suspek hangtud nga nakapangayo kini og tabang sa mga pulis nga nagpundo sa Damosa.
Misibat ang duha ka mga suspek sa wala na matino nga direksyon samtang ang biktima nga adunay igo sa iyang walang abaga gidala sa SPMC.
Gikanayon ni Police Major Reuben Libera hepe sa Sasa PNP nga taod taod nang nakadawat og hulga sa iyang kinabuhi ang biktima ug tungod niini ang anggulong personal nga dumot maoy gitutukan sa kapulisan.
RadyoMaN Erin Lumosbog
