Batan-ong sundalo patay sa bakbakan batuk NPA

97

Masulub-ong gitahu sa 30th IB Phil. Army nga adunay usa ka batan-ong sundalo ang napatay sa natigayong engkwentro batok sa rebelding New Peoples’ Army (NPA) sa bukirang bahin sa lungsod sa Gigacuit, Surigao del Norte.
Gikompirma ni LTC Jeffrey Villarosa, battalion commander sa 30th IB Phil. Army ang kamatayon sa wala panganli nga sundalo kinsa mag-usa ka tuig pa lang sa serbisyo.
Apan sigun sa mga sources ang maong sundalo mao si Pvt Danyu taga Esperanza, Agusan del Sur.
Mitungas sa bukid ang kasundaluhan subay sa nagpadayong ‘focused military operation’ tuyu aron mapukan ang rebelding NPA hinungdan sa natigayong engkwentro.
Aminado si LTC Villarosa nga nakahigayon ang rebelding NPA sa pagpalig-on sa ilang grupo niadtong pipila ka adlaw nga gipatuman sa military ang Suspension of Military Operation (SOMO) agig pagsunod sa kamandoan ni Pang. Rodrigo Duterte.
Dili unta gusto ang AFP nga tagaa’g higayon ang NPA nga magpalig-on apan walay mahimu ang kasundaluhan kondili ang pagsunod sa mando sa ilang Commander in Chief(with report archer capadeso/ivy falcone) [image: sundalo patay.jpg]

Facebook Comments