Davao City – Gikatakdang mahiuli na dinhi sa Davao City karong adlawa ang gatusan ka mga stranded Davaoeños gikan sa Manila pinaagi sa ikaduhang ‘sweeper flight’ nga gi-montar sa LGU-Davao
Segun ni Davao City Mayor Sara Duterte-Carpio, occupied o puno-puno na ang mga slots alang sa Manila-Davao nga sweeper flights.
“Ang gi-una nato, kadtong mga na-stranded gyod…naa na silay ticket pagkahuman, wala sila nakasakay because travel ban na atong March 19,” butyag ni Duterte.
Matud sa mayor, requirement diha sa procedures sa Davao City nga mag-quarantine ang tanang moabot nga pasahero ug nga mamahimo kini silang ipadala sa mga hospitals, sa City Quarantine Facility o magpailawom sa home quarantine, depende sa health screening niini.
RadyoMaN Aimee Guinita
