Davao City – Walay gipaburan nga probinsya si PNP chief Ronald ‘Bato’ Dela Rosa diha sa pagpanghatag og mga bag-ong sakyanan sa Davao Region.
Gipasabot ni Dela Rosa ngadto sa ubang mga mayor ug gobernador nga adunay mga bag-ong patrol units ang gikatakda nga muabot para usab kanila.
“Sigurado ko nga mu-react ang ubang mga mayors ug governors nganong ang Davao del Sur ra ang kumpleto ug ang other provinces wala pa makumpleto. Pakisulti sa ilaha nga ayaw lang mo pangluod tungod kay pirteng daghanang supply ang mangabutay,” sumala ni Dela Rosa.
Dili usab angay nga mabalaka ang ubang probinsya kay adunay igong budget ang PNP sa unsa mang panginahanglanon sa kapulisan.
Ang mga bag-ong gipang apod-apod nga mga Hi-Lux mobile patrols gidisenyo usab sa pagresponde sa mga kalamidad ug uban pa.
Subay niini gibutyag ni Dela Rosa nga plano nila ni Presidente Rodrigo Duterte nga pangpalitan og mga helikopter ang tanang mga rehiyon sa nasud.
“Bag-o munaog si presidente sa iyang termino, our dream is bawat regional directors naay helicopter, every year, every budget mag-allocate gyod mi mga duha o tulo o upat sa makaya nga paliton,” segun ni Dela Rosa.
RadyoMaN Aimee Guinita
