Malamposon an tagpahigajon na ika-lima na tuig sa “DUATHLON 2017 Run Bike Run for Peace ” sajo kagaina buntag dinhi sa syudad nan Surigao. Ini isa lamang sa mga kalihokan sa paghandum sa ika 73 ka tuig sa Battle of Surigao Strait na iselebrar kuman Octobre 25,2017. An DUATHLON 2017 tagpasiugdahan sa gobyerno sa syudad pinaagi na sa pagpanguyo sa BOSS Memorial Council , City Tourism Office sanan sa pagpalujo sa Surigao Cycling Club Inc. Sumaya pa ni Ms.Roselyn Merlin an Sr. Supervising Tourism Officer sa syudad na moabot sa 187 kabuok an mga partisipante na mientra kuman na tuig gikan sa nagkalain-laing lugar sa Luzon ,Visayas sanan Mindanao: Cebu – 11 participants Cabadbaran – 2 participants Butuan/Agusan – 13 participants Davao – 5 Participants Kidapawan – 3 participants Panabo – 3 participants Cagayan – 9 participants Tandag – 22 participants Pagadian – 1 participant Tagum – 10 participants Dinagat – 5 participants Bicol Region – 1 participant Bohol – 1 participant Antipolo, Rizal – 1 participant Gingoog City – 3 participant Claver – 8 participants Bukidnon – 2 participant Surigao City – 87 participants An tinuig na DUATHLON an may papremyo na tagpondohan sa gobyerno sa syudad.Kuman na tuig an mga mananaug sa nagkalin- laing category an nakadawat nan papremyo gikan P10,000, P8,000,P6,000, P5,000,P3,000 sanan P2,000.
