General Santos City—Sobling gipahinumduman karon ni Dr. Mely Lastimoso og sa City Health General Santos City ang tanang mga katawhan sa Gensan nga bawal na ang magpabuto og mga firecrackers karong kapaskuhan og bag-ong tuig sa gawas og sulod sa panimalay.
Kini subay sa gipagulang Executive order ni Pangulong Rodrigo Duterte nga nag regulate sa paggamnit og mga pabuto sa pagselebrar sa kapaskuhan og pagsugat sa bag-ong tuig.
Matud pa ni Dr. Lastimoso nga mamahimo lamang magpabuto gamit ang mga legal nga pabuto sa mga designated o ginatawag nga Community Fire works display area sa matag Barangay og Purok sa Gensan. Tumong matud pa sa EO ni Pres Duterte aron makab-ot ang zero casualty og zero injury sa pabuto karong kapaskuhan og bag-ong tuig.
Kahibaluan nga kaniadtong milabayng tuig 2016 nakatala ang DOH Region 12 og 48 ka mga nabuthan sa pabuto og unom niini ang natala sa Gensan. Apan aminado ang City Health Gensan nga hangtod karon wala pay nadawat nga kamanduan ang Liga ng mga Barangay sa Gensan sa maong EO rason nga hangtod karon wala pa usab naka determina ang mga Barangay sa Gensan kung asa ang mga designated fireworks display area.
Dugang pa nga bug-at ang mga mamahimong silot og pinalidad sa mga masupakon sa maong kamanduan ni Pangulong Duterte nga si kinsa man ang masakpan nga mulapas sa executive order ang makamulta og 30,000.00. (Emir Bariquit)
