Ipinatupad na ng mga kumpanya ng langis ang bawas presyo sa produktong petrolyo.
Nauna nang nagbaba ng presyo kaninang hatinggabi ang kumpanyang Caltex ng ₱0.40 sa kada litro ng gasolina, ₱3.10 sa kada litro ng diesel habang ₱2.10 naman sa kada litro ng kerosene.
Habang alas-sais naman kanina nagpatupad ng kaparehong tapyas presyo ang iba pang oil companies maliban sa Cleanfuel na mamaya pang alas-8:01.
Ang bawas presyo sa produktong petrolyo ay bunsod ng patuloy na ipinatutupad na lockdown sa China dahil sa COVID-19 at ang hindi pagkakasundo ng European countries na magpatupad ng oil embargo laban sa Russia.
Facebook Comments
