22 nga mahuyang suspect sa pagpatay sa dalagita sa Cabadbaran
Nagtingkagol sa karsel sa Cabadbaran City Police Station ang bayot nga suspek sa pagpatay sa usa ka 15 anyos nga dalagita kinsa napalgan sulod sa sementeryo sa IFI sa Barangay 2 sa maong syudad niadtong nakalabyang semana.
Giila ni P/LTC Solomon Alemania, hepe sa Cabadbaran city PNP ang suspek nga si Racman Panonde, 22 anyos, usa ka bayot ug residente sa dakbayan sa Cabadbaran. Nasayran nga selos ang motibo sa krimen sanglit uyab matud pa sa biktimang 15 anyos ang lalaking minor de edad nga uyab usab sa bayot nga suspek.
Si P/LTC Solomon Alemania, hepe sa Cabadbaran city PNP sa iyang pamahayag.
Madumduman nga nakaangkon ug samad ang 15 anyos nga biktima sa iyang liog ug tiyan sa dihang napalgan nga walay nay kinabuhi sulod sa sementeryo.
Kasong murder ang ipasaka sa kapulisan batok sa nasangpit nga suspek.
