Gisukit-sukit karon og maayo sa Senado ang aspetong ekonomikanhon ubos sa gikasugyot nga Bangsamoro Region nga tukoron denhe sa Mindanao kun maaprobahan ang Bangsamoro Basic Law (BBL).
Sa iyang inisyal nga presentasyon, gibatbat ni Budget Secretary Benjamin Diokno ang extent ug mga posibleng mekanismo ubos sa bag-ong regional governmental setup.
Matud ni Diokno, mamahimong gamitong giya kun talamdan ang gitawag nga ‘annual block grant’ aron tunolan gayud ug hustong pondo alang sa kalamboan ang bag-ong rehiyon.
Segun usab sa uban pang mga panelists, daku ug ikatabang ang BBL alang sa pagpatunhay sa regional security nga gihasi sa makadaghan nang higayon sa gubat kun kaguliyang.
Sa iyang kabahin, gisugilon ni peace consultant Nabil Tan nga ang presenteng BBL mas improbado na itandi sa kanhi-ay 2014 BBL version.
“We have adhered to what the President said that he wants a BBL that will be constitutionally and legally tenable,” segun ni Tan.
Matud ni Tan, ang bag-ong proposal makonsidera nga ‘inclusive BBL’ diin lakip ang uban pang mga hut-ong kun tingog gawas sa Moro nations ug magsilbi usab nga tubag sa hulga mugna sa global terrorism ug violent extremism.
Ikaduha na kini nga segment sa Senate hearing sa Senado alang sa bag-ong BBL.
RadyoMaN June Duterte
