Ang seguridad ug kaluwasan sa mga minor de edad maoy gilantaw sa Butuan City Police Office (BCPO) nganong gipahunong ni P/Col. Albert Magno ang pagbaligya ug ilimnong makahubog sulod sa Libertad Sports Complex atol sa ka-fiestahan sa dakbayan sa Butuan, nga maoy gireklamo sa mga negosyante.
Gipasabot ni P/Capt. Emmerson Alipit, spokesman sa BCPO nga bandang alas 3 sa kaadlawon na nila gipahunong ang pagbaligya ug Vino sa dihang adunay nahitabong kagubot, komosyon ug ginukdanay sulod sa Balangay site nga naglambigit sa mga minor de edad.
Gumikan sa maong sitwasyon nakadesisyon si P/Col. Magno nga undangon ang inom aron dili mosamot ang kagubot ug mas gi-una nila ang seguridad ug kalinaw luyu nga maapektohan ang patigayon sa mga negosyante.
(VC. Alipit 1)
Ang pamahayag ni P/Capt. Emmerson Alipit, spokesman sa BCPO sa interview sa RMN DXBC Butuan.
Una nang nagreklamo ang wala nagpailang negosyante dinhi sa RMN DXBC Butuan sanglit na-alkansi sumala pa ang ilang patigayon human gipa-undang sa PNP ang pagbaligya ug vino bisan ug walay pasiunang abiso kalabot na sa pag paundang.
[image: BALANGAY 2.jpg]
