Beautician sikop sa droga ug granada

Davao City – Nabalhog karon sa Buhangin Police Station, ang usa ka hairdresser human napalitan og gitohoang shabu sa police sa buy-bust Operation sa Julliville Subdivision, Barangay Tigatto, si Jay-r De Leon, Alyas Madz, ulitawo, hairdresser, ug nagpuyo sa mao ra sab sa maong dapit alas 9:00 sa gabii.

Nakuha gikan sa possession sa dinakpan ang laing upat ka pakete sa illegal nga droga, 500 pesos nga mark money, ug laing 2,500 ka pesos nga halin matud pa sa droga.

Gawas sa illegal nga droga, nakumpiska usab sa kapulisan ang granada gikan sa suspek.


Si De Leon, gikonsiderang street level target sa listahan sa droga sa Presinto 5 ug taud-taod na sab gipanid-an sa mga otoridad ang illegal nga kalihukan ni De Leon.

Kalapasan sa Republic Act 9165 (Comprehensive Dangerous Drugs Act of 2002) ug pagkupot sa illegal nga eksplosibo, ang ipasakang kaso sa dinakpan.

RadyoMaN Joel Viray

Facebook Comments