Patay’ng lawas napalgan sa lapyahan

Davao City – Wala nay kinabuhi nga napalgan ang usa ka lalaki sa lapyahan sa Brgy 76-A, Sparrow St., Ecoland, syudad sa Davao.

Daling nanawag og tabang sa taga Davao City 911 Rescue , ang usa ka call center agent nga si Richard Remollo Talingting, 24 anyos, nga maoy unang nakakita sa maong patayng lawas.

Sa paghiling, positibong giila sa live in partner nga si Razel Caballero, ang biktima nga si Junie Jay Tiana, 26 anyos, taga-Bankerohan ning syudad.


Sumala pa ulahing nakita ang biktima niadtong nakalabay’ng mga adlaw nga nakiglumba og langoy sa sapa sa Bankerohan hangtud wala na makita. Apan kagahapon nakit-an na lamang ang patay’ng lawas nga gidagsa sa baybayon nga bahin sa maong lugar.

Patay’ng lawas sa biktima gihatud na sa purenarya sa dalang Torres, ning syudad sa Davao.

RadyoMaN Paul Canono

Facebook Comments