Davao City – Tingkagol na karon sa Davao Del Norte Sto.Tomas Municipal Police Station ang usa ka beautician ug usa ka estudyante human nasignit sa gilusad nga buy-bust operation sa Purok 5, Hilongo Vill., Fedeer Road 2, Barangay Tibal-og, Sto.Tomas, Davao del Norte.
Giila ang mga suspek mao sila Ace Lester Pelobillo, 21 anyos, ulitawo, beautician, ug usa ka alyas Tee jay, 17 anyos, estudyante, ug pareho nagpuyo sa nasangpit nga lungsod.
Nakumpiska gikan sa posisyon sa duha ang usa ka libo ka pesos nga mark money ug sachet sa shabu nga maoy gitunol sa mga dinakpan ngadto sa pulis nga mipalit atol sa drug operation 11:45 sa gabii.
Si Pelobillo hingpit nang napasakaan og kasong may kalapasan sa Section 5 ug 11 sa Article 2 sa Republic Act 9165 kun Comprehensive Dangerous Drugs Act of 2002.
Samtang ang menor-de-edad giendosar sa Municipal Social Worker sa lungsod alang sa saktong disposisyon diin sutaon kung aduna ba’y tulobagong kriminal si Tee Jay subay sa Republic Act 9344 kun Juvenile Justice Welfare Act, matud ni PRO 11 Director Police Chief Superintendent Marcelo Morales.
RadyoMaN Joel Viray
