Davao City – Posibleng ipagula karong semanaha ang cash cards sa mga public school teachers kinsa nahimong miyembro sa electoral boards sa Barangay ug Sangguniang Kabataan (SK) elections niadtong adlawng Lunes, Mayo 14, 2018.
Sumala ni COMELEC-XI Regional Election Spokesperson Atty. Krisna Samantha Caballero nga anaa na ang cash cards sa mga opisina sa election officers ug gina-andam nalang ang mga papeles sa payroll ug kinahanglan i-fill up sa mga miyembro sa electoral boards aron madawat nila ang ilang honoraria.
Dugang ni Atty. Caballero nga aduna nay uban areas ang gipang-releasan og cash cards depende sa schedule.
Kahinumduman nga giingon ni Jenielito Atillo, tigpamaba sa Department of Education (DepEd) XI nga mokabat sa 3,000 ka public school teachers ang ilang gideploy isip electoral board members sa nasangpit nga eleksyon.
RadyoMaN Renz Barbarona
