Davao City – Angay sumala pang mapagawas na sa korte suprema ang ilang desisyon kung adunay klarong ebidensya ang election protest ni kanhi Ferdinand “Bongbong” Marcos Jr. batok kang vice president Leni Robredo labot sa gi-kwestyon niining resulta sa 2016 vice presidential election.
Sa interbyu sa DXDC RMN Davao kang Political Science Prof. Ramon Beleno III, gibutyag niini nga ang desisyon nga ginapaabot unang lakang pa lamang sa pagsuta kung adunay “probable cause” ang kaso ug kung angay nga ipadayon ang mga pagdungog.
“Kung talagang may malinaw na walang ebidensya o may ebidensya dapat as early as now may desisyon na,” saysay ni Beleno.
Nasayran nga gihatagan og 20 diyas ang duha ka kampo aron maghatag og komento sa preliminary recount report labot sa laing tulo ka mga probinsya nga ipatan-aw ug gi-kwestyon ni Marcos.
Desisyunan usab sa Presidential Electoral Tribunal (PET) ang mamahimong komento sa duha ka kampo human sa gihatag niining panahon.
RadyoMaN Kirby Manzon
