Davao City – Angay ipublikar ni Pres. Rodrigo Duterte ang resulta sa iyang medical examination aron walay magamit nga propaganda ang oposisyon sa paghilo sa hunahuna sa mga Pilipino.
Kini ang tan-aw ni Ateneo De Davao University (ADDU) Professor Ramon Beleno III kabahin sa hisgutanang pag-anunsyo sa resulta sa medical examination sa pamuno-nasud.
Matud ni Beleno, kung dili i-mantala ang tinuod nga kondisyon sa presidente, basin unya og gamiton kini nga propaganda sa mga kritiko aron patoohon ang katawhan nga himalatyon na ang atong lider.
Gidugang pa sa professor nga ang pagpahibalo sa matuod nga sitwasyon sa panglawas sa pangulo makaayo kini sa katawhan aron mapangandaman kita kun man ugaling mahitabo ang worst-case scenario pananglit motaliwan ang pangulo gumikan sa balatian o kumplikasyon-medikal.
RadyoMaN Joel Viray
