Narecover sa kapolisan sa lungsod sa Manticao, Misamis Oriental ang upat ka mga explosive devices nga nakasulod sa usa ka tangkal sa baboy sa likod sa nasunog nga balay ni anhing Doctor Renaldo Abriol sa Purok Zenia, Barangay Cabalanti-an sa maong lungsod.
Matud ni Senior Inspector Arlyne Ranario, Spokesperson sa Misamis Oriental Provincial Police office nga ang maong mga Explosive devices narecover sa kapolisan human mireport si Cabalanti-an Barangay Kagawad Gene Dragon.
Matud ni Ranario nga ang maong mga explosives unang nakit-an nila Alnar Baculio, 38 anyos ug Arsenio Samora Jr., 44 anyos nga pulos residente sa maong barangay.
Giila ni Ranario ang maong mga explosives nga naglakip sa duha ka CTG 81mm ug duha ka CTG 60 mm.
Gidugang ni Ranario nga ang maong mga explosives, wala nay filler ug dili na mobuto.
Matud sa imbistigasyon sa Manticao Police station nga ang maong mga explosives, collection ni anhing Doctor Abriol.
Ang mga bomba gi-turn over sa Manticao Police Station ngadto sa Explosive Ordnance Division alang sa tukmang disposition.
