Davao City – Dugay ang hustisya mahitungod sa kaso sa Maguindanao massacre kun ‘Ampatuan massacre’ gumikan ang kaso nga gi-file mao ang ‘murder with conspiracy’.
Gipasabot ni Ateneo de Davao University (ADDU) political science professor Ramon Beleno III sa interbyu kaniya sa tulumanong ‘Straight to the Point’, kada murder case aplikable sa 58 ka mga biktima sa maong massacre diin kada usa ka kaso moabot og usa ka tuig.
Segun ni Beleno, gikinahanglan pa i-presenta ang kaso kada usa ka biktima diin sila ‘equally liable’ sa mga suspetsado bisan pa man wala silay partisipasyon sa pagpamatay.
“Ang kasong ipinresenta kasi ay kasong murder; and murder is an extra-ordinary homicide, so kailangan i-prove talaga ‘yon kaya mabagal,” pangagpas sa academician.
Dugang sa propesor, mapadali ang pagkab-ot sa hustisiya alang sa mga biktima kun hatagan kini’g pagtagad sa presidente sama sa ‘Subic rape case’ nga nasulbad dayon sa wala miabot og usa ka tuig.
RadyoMaN Jason Amisola
