Davao City – After eight long years of waiting and waiting, will there be an assurance of genuine justice for victims of the Maguindanao Massacre and their still grieving families who have suffered so much and have demanded that reparation and fairness be granted to them?
May naaninag ba kitang bisan gamatitoy nga kahigayunan na lamang aron kab-oton ang hustisya pinaagi sa pagkiha ug pag-kumbikto sa tanang mga nakasala ma-datu man o ma-yano nga klase sila nga tawo?
Nganong arang man kadugay nga nilawig kini nga kaso? Tungod ba sa arang kahinay kun daw ‘usad-pagong’ nga matang sa hustisya sa nasud-Pilipinas?
O malisud lang gyud lutoson ang mga adunahan, gamhanan ug ma-impluwensiya ning atong katilingban gumikan sa ilang kapasidad nga magpalandong o maghipi ilawom sa gahum ug anino mismo sa balaud nga unta gitagana aron panalipdan ang mga dispossessed, marginalized ug mga pobre-uyamot sa atong sosyedad itandi sa mga arang-arangan ug tubig-tubigan kinsa may katakos nga depensahan ang ilang kaugalingon?
Mabatonan kaha sa mga Maguindanao massacre victims ang ilang gipangandoy nga kaangayan ubos sa presenteng liderato ni pamuno-nasud Rodrigo Duterte?
Dili kaha mahagbong nga kabahin na lamang sa mga statistics ang dul-an 70 ka mga gipangbanhigan sa mga gigamhan sa yawan-ong binuhatan walo ka tuig na ang nakalabay karon didto sa usaka hilit nga bahin sa Maguindanao?
Makasulti ba kita nga denhe sa Pilipinas, patas ug maki-angayon na ang timbangan sa kaangayan gumikan wala kiniy gipili nga estado sa kinabuhi, nga ang tanan patubagon gayud sa hustong mga lagda sa balaud sa walay kober-kober ug pagtapi-on?
Mabalhug kaha sa bilanggoan ang mga suspetsado sa maong krimen, sama sa mga highly-influenced Ampatuan clan nga maoy gitumbok nga nagpasimuno ning mangtas nga buhat?
Kasama, bugtong panahon lamang ang makasulti – only time will tell.
RadyoMaN June Duterte
