Davao City – Makadugang lamang sa nasinatiang kaguliyang sa Kongreso ang pag-entra sa political free-for-all ni neophyte Davao City First District Representative Paolo Duterte tungod kay duna nay mga magpapili gikan sa matag partido sama sa ruling administration party nga PDP-Laban.
Sumala ni Ateneo De Davao University (ADDU) political science Prof. Ramon Beleno III, si Duterte usaka bag-o pa lamang nga political entity, dili siya miyembro sa ruling PDP Laban, daghan ang mapugos sa pagboto kaniya nga kaalyado sa presidente tungod kay Duterte siya, daghan usab ang mga beteranong Kongresista nga mopapili ug wala siyay mga kaalyado aron siya pilion dili susama kang outgoing Speaker Gloria Macapagal Arroyo nga daghan og mga supporters tungod kay dugay na kini sa pangatungdanan.
Matud ni Beleno, 80% sa mga sakop sa Kongreso makonsidera nga naggikan sa establisado na nga mga political clans ug dynasties sa tagsa-tagsa nila ka mga dapit.
RadyoMaN Bernard Pantallon
