Davao City- Kritikal ang hisgutanan kalabutan sa ‘informaton literacy’ kun ang pag determina kung unsa ang balita ug unsa usab ang propaganda o intriga diha sa nagkaylap karon nga ‘fake news’ ilabi na sa social media.
Sa interbyu sa morning primetime radio commentary show nga ‘Straight to the Point’, gipamahayag ni Ramon Belleno III, Political Science and History Professor sa Ateneo de Davao University, nga ang pinaka dakong problema mahitungod sa fake news sanglit dili ang pag regulate niini apan kung unsaon nato pag hatag og depinisyon sa kung unsa kini.
Nakalakip sa Article 3 Section 4 1987 Philippine Constitution ang Freedom of Speech sa katawhan apan tungod sa daling access sa social media, pwedeng mapakaylap ang mga maling balita nga pwedeng tuohan sa maski kinsa.
Giduso ni Belleno nga gikinahanglan ang pag edukar sa katawhan pinaagi sa mga tulunghaan nga apil sa ilang curriculum ang Media and Information Literacy, bahin sa kung unsa ang aktwal, opinion ug unsa ang peke nga balita.
Dugang pa ni Belleno, gikinahanglan nga open-minded ug kritikal ang katawhan sa pagbasa sa maski unsang balita ug insa ang source niini, labi na sa blogs ug dummy accounts.
RadyoMan Jason Amisola
